لو على سؤال ازاي تلم المنهج في أسبوع فالموضوع مش صعب كل الي يحتاجه الأمر شوية خطوات وبشروط هتمشي عليها خلال أسبوع قبل الإمتحان. والأهم قبل اتباع الخطوات لازم تعرف ان طالما فاضل ليك أسبوع قبل الأمتحان يعني مش هتكون ليك فرصة تانية غير الفرصة دي فإستغلها صح وركز في المكتوب في المقالة.

ازاي تلم المنهج في أسبوع:

حدد أهدافك:

يعني حدد المواضيع والأجزاء الي تستلزم التلخيص، والي بتكون محل أسئلة.

قسم الوقت بشكل مناسب:

 قسم الإسبوع وليكن كل يوم أو يومين. لمادة انت ضعيف فيها وابدء في تلخيص مواضيعها، وراعي انك تكون مدي المادة التقدير والوقت الكافي يوم ولا يومين ولا أكتر.

جرب تقنيات تلخيص ومراجعات:

استخدم تقنيات تلخيص تساعدك وليكن خرائط ذهنية أو رسومات توضيحية، أو على سبيل المثال تقدر تقرأ ملخصات بالفعل وتشوف أنسب طريقة وتعمل ملخص خاص بيك تفهمه.

التركيز على الجوانب الأساسية:

 ركز على الحاجات الأساسية والمفاهيم الأساسية وابعد عن الأمور الفرعية والتعمق بشكل زائد.

الاستعانة بمساعدة إذا لزم الأمر:

اوعى تنحرج من انك تطلب المساعدة من صديق أو معلم لو هتحتاج تفهم نقطة معينة.

اوعى يصيبك قلق وخوق ما قبل الامتحان:

وبدون الخوض في تفاصيل كتيرة بخصوص الموضوع ده هتلاقي مقال وافي بنتكلم فيه عن ازاي تتغلب على الجزئية دي وعن تجربة شخصية أوعى يفوتك قرأته:

إعرف أكتر عن: كيف يمكن التخلص من القلق قبل الامتحان؟

الراحة والتغذية الجيدة:

علشان تحافظ على طاقتك وتركيزك نام كويس وكل أكل صحي ده هيساعك على انك تستوعب المعلومة في وقت أقل

مراجعة مستمرة:

 اقرأ وراجع الي بتذاكره بإستمرار لحاد معاد الامتحان واوعى تهمل الجانب ده. هو ده الي هيخليك فاكر المعلومة حتى لو كنت فاكر انك نسيت.