كل ما امتحانات الثانوية العامة بتقرب بيزيد التوتر والضغط بشكل كبير على الطلاب. وده الي يدفعهم انهم يعرفوا عن قلق قبل الامتحان وبالأخص إجابة سؤال كيف يمكن التخلص من القلق قبل الامتحان؟ وده هو محل مقالنا.

وعلشان الخوف ميتمكنش منكم وبالتالي تكون النتيجة سيئة الى حد ما لازم تتعود قبل فترة الامتحان انك تهدئ وتتدرك ان الخوف مش هو الحل ومش هيفيد بشئ في الامتحان ولا في النتيجة. اقتنعت خلاص! هديت شوية! تعالى بقى ناخدكم لكذا أسلوب تقدر من خللهم تقلل من قلق وخوق فترة ما قبل الإمتحان.

كيف يمكن التخلص من القلق قبل الامتحان؟

التخطيط بشكل مُسبق:

 لازم تكون عارف انت هتذاكر أو هتراجع ايه امتى وازاي، يعني هتقسم المادة وليكن الى أقسام والقسم الى كذا فصل والنهاردة هنجز الجزء ده ومن بكرا هراجع وهضيف جزء جديد.

التنفس والاسترخاء:

 لازم تتعود انك تنظم نفسك تاخد نفس عميق وتطلع براحة الزفير ده هيساعدك على الهدوء بشكل كبير.

ممارسة الرياضة:

الرياضة والحركة بشكل عام بتساعد على فرز العديد من الهرمونات منها الدوبامين المعروف بهرمون السعادة الي عادة بيكون مصاحب لأي انجاز بتحققه. علشان كدا واظب على التمارين والحركة حالتك النفسية هتكون أحسن.

التغذية الصحية:

امنع نهائي أكل الشارع وساهم أنك تأكل أكل صحي خالي من الدهون والزيوت قدر الإمكان. بالإضافة الى أكل المكسرات والفواكه الي تساعدك على الاستيعاب والتركيز. وابعد تماما عن الشبع بشكل كامل أو الأكل أكتر من قدرتك تجنبا للشعور بالتخمة والربة الشديدة في النوم.

النوم الجيد:

لا محالة ان النوم عنصر أساسي وفعال في تقليل شعورك بالتوتر والخوف فكلما نمت عدد ساعات كافي في فترة الليل وتجنبت السهر حتى لو كان في الدراسة، كلما كان تركيزك عالي وقدرتك على التذكر أعلى.

خليك صاحب فكر إيجابي:

حاول واسعى انك تتفائل وتبعد عن الأفكار السيئة الى تخص طب هعمل ايه لو صادفت سؤال معرفتش أحله؟ طب أفترض لو محصلتش على المجموع الى أنا عايزه؟ مفيش أي فايدة من التفكير والإفتراضات من النوع ده. بالعكس فكر بالعكس تفائل بالخير هتلاقيه وعن تجربة.

تجنب الاستعجال:

أوعى تستعجل نفسك ودايما ادي نفسك وقت كافي، في العجلة الندامة وفي التأني السلامة.

اعرف أكتر عن انك: ازاي تلم المنهج في أسبوع بخطوات مضمونة ومتجربة

الاستراحة والتسلية:

 زي ما في وقت للمذاكرة لازم يكون في وقت ونصيب للمكافئة وقت الدراسة للدراسة ووقت التسلية للتسلية، كافئ نفسك بشئ بتحبه بعد مجهود محترم بذلته.

التحدث مع الآخرين:

 ولو حسيت ان ضغط بدء يزيد زيادة عن اللزوم ابدء ان تتكلم مع حد بتثق فيه وشاركه خوفك طالما ضامن انه هيحتويك وهيطمنك.

ومتقلقش الثانوية العامة ماهي الى اختبار نفسي صعب حاول تدير الموضوع صح طالما نفسيتك تمام، يبقى هتحقق شيء مكنتش تتوقع انك هتحققه، وسيبها على الله.

اقرأ أكتر عن: سنة تمهيدية بعد الثانوية العامة وقبل دخول الجامعة